Northstack, 10 árum síðar

Tímarnir breytast og vefritin með

Fyrir tíu árum fóru fyrstu vísisjóðirnir af stað með tilkomu Frumtaks 2, Brunns, og Eyri Sprota. Það varð kveikjan að stofnun Northstack, sem við stofnuðum með fyrsta pósti í Maí 2015.

Markmið Northstack voru nokkur:

• Að opna innsýn erlendra aðila inn í sprota- og nýsköpunarumhverfið á Íslandi (og því breyttum við fljótlega úr íslensku í ensku)

• Að auka gæði umfjöllunar um sprota- og nýsköpun, sér í lagi þegar kemur að fjármögnun og viðskiptahlið geirans.

• Að auka mikilvæga umræðu um þróun mála í geiranum - helstu hindrandir, tækifæri, opinbera stefnumótun, og annað sem þarf til að stuðla að heilbrigði umhverfi í vexti.

• Að safna, greina, og deila gögnum sem tengist geiranum, svo hægt sé að eiga upplýsta umræðu og (vonandi) taka betri ákvarðanir.

Það hefur að miklu leyti tekist, og nú, 10 árum síðar, ekki sama þörf fyrir hendi. Íslenskir vísisjóðir fá topp-umfjöllun í erlendum miðlum þegar þeir loka nýjum sjóðum. Viðskiptamiðlarnir eru orðnir mun virkari og betri í umfjöllun um sprotafélög, sögu þeirra, fjármögnun, ofl. Ég lít því á það sem svo að fyrstu tveir punktarnir séu ekki lengur markmið í sjálfu sér.

Á sama tíma hafa seinni tveir punktarnir að einhverju leyti setið á hakanum. Gagnaöflun um umhverfið er að mestu leyti enn á herðum Northstack, og opinber, gagnrýnin og gáfuleg umræða er tæplega til staðar.

Það mun því vera áherslan hjá Northstack Memo næstu misserin. Færri pistlar, meiri greining og umræða.

Kiddi

Myndin er fengin af Dall-E með eftirfarandi prompt-i: can you make an image for me? need it for my newsletter. Should be start-up oriented and show a blond person writing stuff and data and other things. doesn't really matter, make it look cool? [Dall-E gerir mynd] cool, can you make it more like an illustration ? [Dall-E gerir aðra mynd] can you add glasses to the blond guy